ජාතික සමගිය හා ප්‍රතිසන්ධානය සදහා වු කාර්යාලයේ වෙබ් අඩවිය සඳහා අමාත්‍යතුමාගේ පණිවිඩය….
රටක් සංවර්ධනය සාමය හා සමෘද්ධිය ස්ථාවරව පැවතීම සදහා ජීවත්වන ජනතාව තුළ සාමය හා සංහිදියාව පැවතීම අත්‍යවශ්‍ය කරුණකි. බහු වාර්ගික බහු ආගමික ප්‍රජාවක් වාසය කරන ශ්‍රී ලංකාව වැනි රටක සමගියෙන් සංහිදියාවෙන් තොරව අනාගත අපේක්ෂාවන් දල්වා ගත නොහැක.
දේශයක් ලෙස ඉදිරියට යාමේ අරමුණින් යුතුව නව පරිච්ඡේදයක් ආරම්භ කරමින් ජාති, ආගම් සියලු භේදයෙන් තොරව ජනතාව එක් අරමුණක් වෙනුවෙන් පෙළගැසී සිටියි.
ජාතීන් අතර සංහිදියාව ඇති කරන බවට පසුගිය කාලය පුරාවට ප්‍රකාශ වුව ද එම ප්‍රකාශයන් හුදෙක් ප්‍රකාශයන්ම පමණක් වු බැවින්, ජාතික සමගිය ආගමික සුහදත්වය ප්‍රායෝගික යථාර්තයක් බවට පත් කරන වැඩ පිළිවෙලක අවශ්‍යතාවය වර්තමානය වන විට අන් කවරදාටත් වඩා දැනෙමින් තිබේ.
ජාතීන් අතර පවත්නා අවිශ්වාසය සැකය එම ජාතීන් අතර පැවතිය යුතු සමගියට සංහිඳියාවට බාධාවන් වන බැවින් එකිනෙකා කෙරෙහි විශ්වාසය ඇතිවන සමාජයක් ගොඩනැංවිය යුතුය. ජාතීන් අතර පැවති සැකය අවිශ්වාසය හේතුවෙන් තිස් වසරක ශාපලත් යුද්ධය ඇතුළු තවත් ඛේදනීය සිදුවීම් රැසකට මුහුණදීමට අපට සිදු විය.
දේශයක් ලෙස එක්ව එකාවන්ව එක්සිත්ව කටයුතු කළ යුතු බව උතුරු දකුණු භේදයකින් තොරව සියලු ජනතාව සනාථ කර ඇති බව වර්තමාන රජය කෙරෙහි තබා ඇති ජනතා විශ්වාසයෙන් පැහැදිලිවන කරුණකි. එම විශ්වාසය සුරක්ෂිත කිරීම සඳහා ස්ථාවර සංහිදියා වැඩ පිළිවෙළක් ක්‍රියාත්මක කිරීම අපගේ මුලික පර්මාර්ථයකි.
අප රට තුළ විවිධ ජාතීන් ආගමිකයන් ජීවත් වුවද පවතින විවිධත්වය සාමය සංහිදියාව ගොඩනැංවීමේ ක්‍රියාවලියේදී ආශිර්වාදයක් කර ගත යුතු අතර, ජාතික සමඟිය ආගමික සුහදත්වය ගොඩනැංවීමේ පාලම බවට ජාතික සමගිය හා ප්‍රතිසන්ධානය සදහා වු කාර්යාලය පත් කරගත යුතුය.
ජාතික හා ආගමික අනන්‍යතාවයන්ට ගරු කරමින් විවිධත්වය අවබෝධ කරගනිමින් සියලු ජනතාවට සාමයෙන් එකමුතුව ජීවත්වීමට අවශ්‍ය මුලික වටපිටාව සකස් කර දෙමින් එකිනෙකාගේ සංස්කෘතික හා දේශපාලන නිදහස සහතික කළ හැකි සංහිඳියාව අගයන සමාජයක් බිහි කිරීමට මුලිකත්වය ජාතික සමගිය හා ප්‍රතිසන්ධානය සදහා වු කාර්යාලය වැනි ආයතන තුළින් ජනතාව අපේක්ෂා කරයි.
මානව අයිතීන් , නිදහස, නීතියේ විධානයේ ආධිපත්‍යයට හා සමානාත්මතාවයට ගරු කිරීම මෙන්ම ජාතිය ආගම, ජාතිය, ආගම, භාෂාව, කුලය වැනි කරුණු නිසාවෙන් වෙන්ව නොසලකන සමාජ වටපිටාවක් ගොඩනැංවීම සදහා දේශය මෙහෙයවීම එම කාර්යාලයේ අරමුණ විය යුතුය.
ආගමික සුහදත්වය ජාතික සමගිය හානිවන බාධාවන කිසිඳු ක්‍රියාවක් සදහා ඉඩ නොතැබිය යුතු අතර, භේදයකින් තොරව සියලු දෙනාගේ අයිතීන් ආරක්ෂා වන පරිදි ක්‍රියාකිරීමට හැකි දේශයක් ගොඩනැංවීමට අදිටන් කර ගත යුතුය.
නීතිඥ, හර්ෂණ නානායක්කාර
අධිකරණ සහ ජාතික ඒකාබද්ධතා අමාත්‍ය
දිලිනී සමන්මලී
අධිකරණ සහ ජාතික ඒකාබද්ධතා අමාත්‍යතුමාගේ මාධ්‍ය ලේකම්
සභාපතිතුමාගේ පණිවිඩය
ජාතික සමගිය හා ප‍්‍රතිසංධානය සඳහා වන කාර්යාලයේ සභාපති වශයෙන් කටයුතු කිරීමට මාව තෝරා පත්කර ගැනීම පිළිබඳව අතිගරු ජනාධිපති අනුර කුමාර දිසානායක මැතිතුමන්ටත්ල අධිකරණ හා ජාතික ඒකාබද්ධතා ගරු අමාත්‍ය හර්ෂ නානායක්කාර මැතිතුමන්ටත් නියෝජ්‍ය අමාත්‍ය ගරු මුනීර් මුලාෆර් මැතිතුමන්ටත් මම ස්තූතිවන්ත වෙමිග එසේම සාමය සහ සංහිඳියාව උදෙසා සියලුම ශ්‍රී ලාංකියින්ටත් මාගේ හෘදයාංගම සුභපැතුම් එක් කරමි.
ශ්‍රී ලාංකිකයින් ලෙස අපි අපගේ ප්‍රධාන ආගම් හතරේ ආත්මීය වටිනාකම්වලින් නික්මෙන පොහොසත් සංස්කෘතික විවිධත්වය සහ උරුමය අගය කරමුග ශ්‍රී ලංකාවේ ශක්තිය පවතින්නේ එහි විවිධත්වය තුළ යග අද්වීතීය සම්ප්‍රදායන් සහ වටිනාකම්විලන් හෙබි අපගේ ප්‍රජාවන් විචිත්‍රවත් වන අතර එය අපගේ ජාතික අනන්‍යතාවයේ සාරය වේ.
විවිධත්වයේල සංවාදයේල අවබෝධයේ සහ සහයෝගිත්වයේ එකමුතු බව පෝෂණය කිරීම මගින් සාමය සහ සමෘද්ධිය මතින් ගොඩනැඟු සමාජයක් බිහි කිරීමට ජාතියක් වශයෙන් ශ්‍රී ලංකාවට හැකිවනු ඇතග සියලුම ශ්‍රී ලාංකිකයින්ගේ පෑරුණු සිත් සහ ශරීර සුවපත් වනු ඇත්තේ අර්ථික ප්‍රජාතන්ත්‍රවාදයල සාධාරණත්වය සහ ප්‍රධාන වශයෙන් ආන්තීකරණයට ලක්වූ මිනිසුන් ඇතුළුව එකිනෙකාගේ අවශ්‍යතා හඳුනාගැනීම මගින් පමණි.
බෙදී වෙන්වී සිටින ජාතියක් එක්සේසත් කිරීමටල විවිධත්වය සැමරීමට සහ සහයෝගිත්වය සඳහා ඉඩහසර ඇති කිරීමට අවශ්‍ය ක්‍රියාමාර්ග ගැනීමට සහ ප්‍රවර්ධනය කිරීමට ජාතික ජාතික සමගිය හා ප‍්‍රතිසංධානය සඳහා වන කාර්යාලයේ අපි කැපවී සිටිමුග බිම් මට්ටමේ වැඩසටහන්වල සිට ජාතික ප්‍රතිපත්ති දක්වා වන අපගේ ප්‍රයත්නයන් ඉලක්කගත වී ඇත්තේ සෑම පුරවැසියෙකුම වටිනාල බහුශ්‍රැත සහ බලගැන්වූ පුද්ගලයෙකු බවට පත්කිරීමට වගබලා ගැනීම ය.
එකමුතු බව යන්නෙහි අදහස ගැටුම් නොමැතිවීම යනුවෙන් සරලව සිතීමට වඩා අප එක් ජාතියක් වශයෙන් වඩාත් සමීප කිරීමට අවශ්‍ය කරනු ලබන බැඳීම් ක්‍රියාකාරී ලෙස ඇති කිරීම ගත හැකියග අප ඉදිරියට යන ආකාරයටල අපගේ වෙනස්කම්ත බාධාවන් බවට පත්වීමට ඉඩදෙනවාට වඩා ඒවා අපගේ ශක්තීන් බවට පත්කර ගැනීමට වගබලා ගනිමින් අපි සංවේදනයේ සහ සහයෝගිත්වයේ පරමාදර්ශයන් වැළඳ ගනිමු.
ඒ සමඟම සියලුම ශ්‍රී ලාංකිකයින් සමගියේල ඔරොත්තුදීමේ හැකියාවේ සහ සාමූහික ප්‍රගතියේ ආලෝකයක් ලෙසින් බැබලෙන අනාගතයක් අපිට ගොඩනැගිය හැකග ජාතික සමගිය ඇති කිරීමට යන ගමනට අප සමඟ අත්වැල් බැඳගන්නා ලෙස මම ඔබ සියලුම දෙනාට ආරාධනා කරමි.
මාගේ කෘතඥතාවය සහ අධිෂ්ඨානශිලී සුභපැතුම්
පී. විජිත් රෝහන ප්‍රනාන්දු
සභාපති
ජාතික ජාතික සමගිය හා ප‍්‍රතිසංධානය සඳහා වන කාර්යාල
වැ.බ. අධ්‍යක්ෂ ජනරාල්තුමාගේ පණිවිඩය.
